Turin klubi himoyachisi bilan shartnomani uzaytirdi

«Torino» himoyachisi Kristian Ansaldi klub bilan uzoq muddatli shartnomaga imzo chekdi. Bu haqda «buqalar» matbuot xizmati xabar bermoqda.

Argentinalikning yangi shartnomasi 2022 yil 30 iyungacha amal qiladi. Bitim haqidagi boshqa tafsilotlar esa hali oshkor qilinmadi.

So'nggi mavsumda Ansaldi A Seriyada 31 uchrashuv o'tkazib, 1 ta gol va 6 ta golli pasni amalga oshirdi.