«Latsio»ning ikki nafar futbolchisi jamoani tark etadi

Rimning «Latsio» klubi futbolchilari Senad Lulich va Marko Parololar yaqin orada klub safini tark etishadi. Ikkala futbolchining ham erkin agentga aylanishi kutilmoqda.

Eslatib o'tamiz, Lulich 2011 yildan buyon «Latsio»da o'ynab kelmoqda. Parolo esa «burgutlar» sharafini 2014 yildan beri himoya qilib keladi.

Ayni dam Lulich 35 yoshda, Parolo esa 36 yoshda. Bosniyalik professional faoliyatini yakunlashga tayyor. Parologa kelsak, u yana bir necha mavsum o'ynamoqchi, ammo hali yangi klubi haqida qaror qilmagan.