Evro-2020. Kashfiyot terma jamoalarning chorak finalgacha bosib o'tgan yo'li bilan tanishing

Evropa chempionati-2020 musobaqasining chorak final juftliklari orasida Daniya va Chexiya to'qnashuvi zaif ko'rinishi mumkin.

Ammo, ushbu ikki terma jamoalar bizga syurprizlar taqdim etishdi va bularning biri yarim finalga chiqadi.

ChEXIYa

Chexiya terma jamoasi "D" guruhida Angliya, Xorvatiya va Shotlandiya bilan bellashdi. Uch o'yinda 4 ochko to'plagan chexlar uchinchi o'rin bilan pley-offga chiqishdi. To'plar nisbati: 3-2.

Nimchorak finalda Niderlandiya termasi 2:0 hisobida mag'lub etildi va chorak finalga yo'l oldi.

"D" guruhi natijalari

14/06 Shotlandiya 0:2 Chexiya (Glazgo)
18/06 Xorvatiya 1:1 Chexiya (Glazgo)
22/06 Chexiya 0:1 Angliya (London)

Nimchorak final

27/06 Niderlandiya 0:2 Chexiya (Budapesht)

Chorak final

03/07 Chexiya - Daniya (Boku, 21:00)

Chexiya to'purari: Patrik Shik (4 gol)

Evropa chempionati saralashida 8 o'yinda 5 g'alaba va 3 mag'lubiyat qayd etgan. To'plar nisbati: 13-11. Evro saralashidagi to'purar: Patrik Shik (4)

Chexiya terma jamoasi 1976 yilda Chexoslovakiya nomi bilan Evropa chempioni bo'lgan. O'tgan Evro-2016da guruh bosqichidan chiqa olmagan.

Bosh murabbiy: Yaroslav Shilhavi

Chexiya divizionida eng ko'p o'yin o'tkazgan (465) rekordchi, murabbiy sifatida ikkita sovrinni qo'lga kiritgan. 59 yoshli mutaxassis 2018 yilning sentyabr oyidan beri Chexiya terma jamoasini boshqarib kelmoqda.

Asosiy o'yinchi: Patrik Shik

"Bayer" (Leverkuzen) hujumchisi musobaqaga formada keldi va o'zining o'tkir yakunlash qobiliyati bilan ishonchli to'purar ekanligini isbotladi.

O'yinini kuzatish kerak bo'lgan futbolchi: Tomash Souchek

Chexiya termasi yarim himoyasining yuragi va "Vest Xem"ning o'tgan mavsumdagi etakchisi APLda 10 golda qatnashgan.

2018/2019 yilgi mavsumda Chexiyaning eng yaxshi futbolchisi hisoblanadi.

Bilasizmi?

Chexiya mustaqil davlat sifatida ettinchi bor Evropa chempionatida qatnashmoqda.

DANIYa

Daniya terma jamoasi "B" guruhida Belgiya, Finlandiya va Rossiya bilan bellashdi. 3 ochko bilan ikkinchi o'rinni olgan Daniya pley-offda Uelsni yirik hisobda (4:0) mag'lub etdi.

"V" guruhi natijalari

12/06 Daniya 0:1 Finlandiya (Kopengagen)
17/06 Daniya 1:2 Belgiya (Kopengagen)
21/06 Rossiya 1:4 Daniya (Kopengagen)

Nimchorak final

26/06 Uels 0:4 Daniya (Amsterdam)

Chorak final

03/07 Chexiya - Daniya (Boku, 21:00)

 

Daniya to'purarlari: Kasper Dolberg, Yoaxim Mele, Yussuf Poulsen (2 gol).

Evropa chempionati saralashida 8 o'yinda 4 g'alaba va 4 durang qayd etgan. To'plar nisbati: 23-6.

Evro saralashidagi to'purar: Kristian Eriksen (5)

Daniya terma jamoasi Evro-1992da chempion bo'lgan. O'tgan Evroga esa chiqa olmagan.

Bosh murabbiy: Kasper Xyulman

"Norshelland" sobiq bosh murabbiyi 2020 yilning iyul oyida Daniya boshqaruvini o'z qo'liga olgan.

Asosiy o'yinchi: Mikkel Damsgor

Daniya terma jamoasining eng yosh futbolchisi Eriksenning yo'qligida asosiy ijodkorga aylandi. 20 yoshli futbolchi maydonni yaxshi ko'radi, o'yinni yaxshi o'qiydi va uning yakunlovchi zarbasi darvozabonlar uchun boshog'riq. Buni Rossiyaga qarshi o'yinda isbotladi.

O'yinini kuzatish kerak bo'lgan futbolchi: Andreas Skov Olsen

21 yoshli "Bolonya" hujumchisi Evropa chempionatiga kelishidan oldin Daniya safida hujumdagi imkoniyatlarini namoyish etgan holda 179 daqiqa ichida 3 gol va 4 assist qayd etdi.

Bilasizmi?

Daniya Evro-92ga chiqa olmagan, ammo musobaqa boshlanishidan 10 kun oldin Yugoslaviyaning chetlashtirilgani oqibatida qatnashish imkoniyatiga ega bo'lgan va yakunda musobaqa chempioniga aylangan.

Manba: euro2020.com