Evro-2020. Chorak final birinchi juftligining shu bosqichga qadar bosib o'tgan yo'li va qo'shimcha ma'lumotlar bilan tanishing

Evro-2020 musobaqasi o'zining hal qiluvchi pallasiga kirib bormoqda.

Musobaqaning chorak final juftliklari ma'lum bo'lganidan xabaringiz bor. Birinchi yarim final yo'llanmasi uchun Shvetsariya va Ispaniya terma jamoalari kurash olib borishadi.

Keling, 2 iyul kuni Toshkent vaqti bilan 21:00da boshlanadigan o'yindan oldin jamoalarning shu bosqichga qadar bosib o'tgan yo'li va qo'shimcha ma'lumotlar bilan tanishib olamiz.

ShVETsARIYa

Shvetsariya terma jamoasi "A" guruhida Italiya, Uels va Turkiya termalari bilan bellashdi va yakunda 4 ochko to'plagan holda uchinchi o'rin bilan pley-offga yo'l oldi. To'plar nisbati: 4-5.

"A" guruhi natijalari

12/06 Uels 1:1 Shvetsariya (Boku)
16/06 Italiya 3:0 Shvetsariya (Rim)
20/06 Shvetsariya 3:1 Turkiya (Boku)

Nimchorak final

28/06 Frantsiya 3:3 Shvetsariya (penaltilar seriyasi 4:5) (Buxarest)

Chorak final

02/07 Shvetsariya - Ispaniya (Sankt-Peterburg)

Shvetsariya terma jamoasi to'purari Harris Seferovich (3 gol).

Evropa chempionati saralashida 8 o'yinda 5 g'alaba, 2 durang va 1 mag'lubiyat qayd etgan. To'plar nisbati: 19-6.

Evro saralashidagi to'purar Sedrik Itten (3).

Shu paytga qadar Shvetsariya Evropa chempionatidagi eng yaxshi natijasini Evro-2016 da qayd etgan. Jamoa nimchorak finalga qadar etib borgan va Polsha bilan bahsda penaltilar seriyasida (1:1, pen. 4-5) mag'lubiyatga uchragandi.

Shvetsariya bosh murabbiyi Vladimir Petkovich 2014 yildan beri terma jamoani boshqarib kelmoqda. O'shandan beri shvetsariyaliklar yirik musobaqalarning barchasida muntazam ishtirok etib kelishmoqda.

Asosiy o'yinchi: Jerdan Shakiri

Jamoaning miyasi, haqiqiy o'zgarish qila oladigan futbolchi. Uning Turkiya bilan o'yindagi dubli jamoasini pley-offga olib chiqdi. Hujumchilar ortida hujumdagi bo'shliqni to'ldirgan holda sifatli hujumga o'tishni kafolatlaydi.

O'yinini kuzatish kerak bo'lgan futbolchi: Bril Embolo (24 yosh).

Jarohatlardan keyin 2019 yilda Myonxengladbaxning "Borussiya" jamoasida porlagan hujumchi kuchli, ko'p qirrali va yuqori bilan tezligi bilan ajralib turadi.

Bilasizmi?

Shvetsariya Petkovich qo'lostida musobaqalarning barchasida guruhdan chiqishni uddalagan va bu safar birinchi marta pley-offda Frantsiya ustidan g'alaba qozonib yurishini davom ettiradigan bo'ldi. Bunga qadar 2014 yildan beri barcha yirik musobaqalarda jamoa pley-offdayoq to'xtagan.

ISPANIYa

Ispaniya terma jamoasi "E" guruhida Shvetsiya, Polsha va Slovakiya termalari bilan bellashdi hamda 5 ochko to'plagan holda ikkinchi o'rin bilan pley-offga yo'l oldi. To'plar nisbati: 6-1.

"E" guruhi natijalari

14/06 Ispaniya 0:0 Shvetsiya (Sevilya)
19/06 Ispaniya 1:1 Polsha (Sevilya)
23/06 Slovakiya 0:5 Ispaniya (Sevilya)

Nimchorak final

28/06 Xorvatiya 3:5 Ispaniya (ekstra taymlar) (Kopengagen)

Chorak final

02/07 Shvetsariya - Ispaniya (Sankt-Peterburg)

Ispaniya terma jmaoasi to'purarlari: Alvaro Morata, Pablo Sarabiya, Ferran Torres (2 gol).

Evropa chempionati saralashida 10 o'yinda 8 g'alaba va 2 durang qayd etgan. To'plar nisbati: 31-5.

Evro saralashidagi to'purarlar: Alvaro Morata, Serxio Ramos, Rodrigo (4).

Shu paytga qadar Ispaniya terma jamoasi uch marta (1964, 2008, 2012) Evropa chempioni bo'lgan.

O'tgan musobaqada esa nimchorak finalda Italiyaga mag'lub bo'lib (0:2) yurishini to'xtatgan.

Ispaniya termasi bosh murabbiyi Luis Enrike 2019 yildan beri "qizil furiya"ni boshqarib kelmoqda. U avval "Barselona" bilan 2015 yilda UEFA Chempionlar ligasida g'olib chiqqan.

Asosiy o'yinchi: Jerar Moreno

Faoliyati davomida eng ishonchga to'lgan va Evropa ligasining amaldagi g'olibi. O'ng qanot hujumida o'ynaydigan chapaqay futbolchi yolg'on to'qqizlikda ham ancha xavfli. Shuningdek, jamoasi hujumlarini tashkil qila oladigan 10 raqamli o'yinchi hamdir.

O'yinini kuzatish kerak bo'lgan futbolchi: Pedri (18 yosh).

Yillar davomida juda ko'plab iqtidorli futbolchilar etishib chiqqan bo'lsa-da, 18 yoshida kichik jussasi bilan birinchi to'liq mavsumidayoq "Barselona" yarim himoya chizig'ida hukmronlik qila oladigan o'yinchilar juda kam. Uning futbol intellekti aqlbovar qilmas darajada yuqori.

Bilasizmi?

Ispaniya Evropa chempionatida chempionlik sovrinini muvaffaqiyatli tarzda himoya qila olgan yagona terma jamoa hisoblanadi, 2012 yilda.