Angliya klubi yangi bosh murabbiyni tanishtirdi

"Bornmut" matbuot xizmati xabariga ko'ra o'tgan mavsum "Fulxem" bilan ishlagan 40 yoshli mutaxassis Skott Parker bilan klub uch yillik shartnoma imzolagan.

"Bornmut" 2020/2021 yilgi mavsumda Chempionshipning 6-o'rinda yakunlagan, shundan so'ng Premer-liga yo'llanmasi uchun pley-offning yarim finalida "Brentford"ga yutqazib qo'ydi.
Futbolchi sifatida Parker "Charlton", "Norvich", "Chelsi", "Nyukasl", "Vest Xem", "Tottenxem" va "Fulxem" kabi jamoalarda o'ynagan. U 2003 yildan 2012 yilgacha Angliya terma jamoasi sharafini ham himoya qilgan.