Italiyalik forvardga Evropa grandlari xaridor

Italiya terma jamoasi va "Torino" klubi hujumchisi Andrea Belotti Turin klubidan ketishga yaqin turibdi.

Xabarlarga ko'ra, «Torino» ushbu yozda futbolchini sotishni rejalashtirmoqda, chunki forvard klub bilan shartnomasini uzaytirishdan bosh tortmoqda. Belottiga «Arsenal», «Napoli», «Roma» va «Milan» qiziqish bildirmoqda. Turin klubi esa o'z futbolchisi sotuvidan 34 million evro ishlab olmoqchi.

Eslatib o'tamiz,  Belottiga «Liverpul» va «Manchester Yunayted» kabi klublar ham qiziqayotgani haqida xabarlar paydo bo'lgan edi.