Azpilikueta: "Bugun biz buni uddaladik, yana kimsan, jahon vitse-chempionlari bilan o'yinda"

Ispaniya terma jamoasi himoyachisi Sezar Aspilikueta Xorvatiyaga qarshi Evro-2020 turnirining 1/8 finalidan so'ng (5:3) o'zfikrlari bilan o'rtoqlashdi.

"Ajoyib, bugun biz buni uddaladik. Bir nechta turnirlar davomida biz pley-off o'yinida g'alaba qozona olmadik. Ammo hozir muz yorilib ketdi va yana kimsan, jahon vitse-chempionlari bilan o'yinda. Asosiy vaqt oxirida ikkita gol o'tkazib yuborish sharmandalik, ammo qo'shimcha daqiqalarda biz yaxshiroq o'ynadik va keyingi bosqichga chiqishga loyiq edik", - dedi Azpilikueta.