Ma'ruf Berdiev: «Umidjon Ergashevning ahvoli qoniqarli»

Kecha bo'lib o'tgan "Qo'qon-1912" - "Nasaf" uchrashuvining 75-daqiqasida qarshiliklar darvozaboni Umidjon Ergashev mezbonlar futbolchisi Shohnazar Norbekov bilan to'qnashib ketishi natijasida tez tibbiy yordam mashinasida maydonni tark etgan edi.

Umidjonning hozirgi ahvoli haqida "Nasaf" shifokori bizga axborot berdi.
 
"Umidjon Ergashevga dastlabki tez tibbiy yordam ko'rsatilgan. Unga bosh miyaning engil chayqalishi va lab sohasining yirtilishi tashxisi qo'yildi. Umidjon hozir jamoamiz bilan birga va ahvoli qoniqarli darajada. Ergashev yana bir bor tibbiy ko'rikdan o'tkaziladi va shundan so'ng muolajalar tayinlanadi", — deydi Ma'ruf Berdiev.