Pyontek yana Ronalduni ortda qoldirdi

Italiyaning “Jenoa” klubi A Seriyaning 16-turida “Roma”ga 2:3 hisobida engildi.

Uchrashuvda “Jenoa” hujumchisi Kshishtof Pyontek o'z nomiga bitta gol yozib qo'ydi. Bu uning uchun A Seriya joriy mavsumidagi 12-gol bo'ldi. Natijada Pyontek 11 ta gol urgan “Yuventus” hujumchisi Krishtianu Ronalduni quvib o'tdi.

23 yoshli hujumchi 7-oktyabrdan beri ilk bor gol (o'yindan, penaltidan emas) urdi. U bu orada 8 ta golsiz o'yinlari seriyasini o'tkazdi.

Qayd etish kerak, Pyontek bu orada 2 bor penaltidan gol ham kiritdi.