Angliya terma jamoasi futbolchilari safga qaytishdi

Angliya terma jamoasi himoyachisi Ben Chilluel va yarimhimoyachisi Meyson Maun safga qaytishgani haqida xabarlar tarqaldi.

Terma jamoaning tvitterida yozilishicha, koronavirus tufayli jamoa bazasini tark etgan ikkala futbolchi ham endi mashg'ulotlarni o'tay boshladi. Endi ular evro-2020ning Germaniyaga qarshi 1/8 finalida ishtirok etishga tayyorlar.

Angliya va Germaniya o'rtasidagi bahs ertaga, 29 iyun kuni soat 21:00da bo'lib o'tadi.