De Xea Xorvatiyaga qarshi bahsda maydonga tushadimi?

Ispaniya terma jamoasi darvozaboni David De Xea bugun Xorvatiyaga qarshi o'yinni o'tkazib yuborishi mumkin.

Bu haqda Ispaniya futbol federatsiyasi rasmiy sayti xabar tarqatdi.

Qayd etilishicha, futbolchi so'nggi mashg'ulotda son muskullaridan engil jarohat olgan. Uning uchrashuvdagi ishtiroki to'g'risidagi so'nggi qaror keyinroq qabul qilinadi.

Ta'kidlash joizki, De Xea hali biror marta ham Evro-2020 bahslarida o'ynamadi. U «qizil furiya»ning avvalgi barcha 3 uchrashuvini zaxira o'rindig'ida o'tkazdi.