Ronaldu yaqin orada kelajagi to'g'risida qaror qabul qiladi

Corriere dello Sport xabariga ko'ra, "Yuventus" hujumchisi Krishtianu Ronaldu tez orada o'z kelajagi to'g'risidagi qarorni qabul qilishi kerak.

Kecha Portugaliya terma jamoasi Belgiyadan (0:1) mag'lubiyatga uchraganidan so'ng Evro-2020 musobaqasidagi ishtirokini yakunladi. Endi KriRo bor e'tiborini klubidagi kelajagiga qaratishi mumkin.

Yaqinda Ronaldu "Yuve"dagi holatidan noroziligi, futbolchi "Barselona"ga o'tishi mumkinligi haqida gap-so'zlar tarqalgandi. Shuningdek, Krishtianuga MYu va "PSJ" ham e'tibor qaratgan.