Luis Enrike: "Biz kabi jamoa uchun maydonning markazi juda muhim"

Ispaniya terma jamoasi bosh murabbiyi Luis Enrike Xorvatiyaga qarshi Evro-2020ning 1/8 finalidan kutayotganlari bilan o'rtoqlashdi.

"Biz kabi jamoa uchun maydonning markazi juda muhim. Agar biz belgilangan ishni o'rta chiziqda bajarmasak, demak biz endi o'zimizga o'xshamagan bo'lamiz. Ammo bu holatda gap nafaqat bizda, Xorvatiya haqida ham aytish mumkin. Bu o'yinda vaziyatni boshqarish uchun kurashni ko'ramiz. Biz xorvatiyalik futbolchilarni juda yaxshi bilamiz”, - deydi Enrike.

Ma'lumot uchun, Xorvatiya - Ispaniya uchrashuvi 28-iyun kuni Kopengagenda bo'lib o'tadi. O'yin Toshkent vaqti bilan soat 21:00da boshlanishi rejalashtirilgan.