Artur Allegri rejalariga kirmayapti

Sportmediaset xabariga ko'ra, braziliyalik yarimhimoyachi Artur ushbu yozda «Yuventus»dan ketishi mumkin.

Manbaga ko'ra, Turin klubi bosh murabbiyi Massimiliano Allegri rahbariyatga braziliyalikni kelasi mavsum o'z jamoasida ko'rmasligini aytgan.

Shu sababli, «Yuventus» futbolchi uchun tushayotgan takliflarni tinglashda davom etadi, ammo futbolchining yuqori narxi tufayli ham Artur ijaraga berilishi mumkin. Turin klubi hozircha uni sotib oladigan jamoa chiqishiga ishonmayapti.

O'tgan mavsumda braziliyalik A Seriyada «Yuventus» tarkibida 22 ta o'yin o'tkazib, 1 ta gol urgan.