Ronalduning jarima zarbalari «devorlar»dan o'tmay qolmoqda

Krishtianu Ronaldu o'zining terma jamoadagi bir muvaffaqiyatsiz seriyasini to'xtata olmadi.

Ya'ni Krish uchun ushbu libos ostida jarimadan gol urish borgan sari «chaqilmas yong'oq»qa aylanib bormoqda. Portugaliyalik butun faoliyati davomida Evropa chempionatida jami 27 marta jarima zarbasini amalga oshirgan va ularning hech biridan gol ura olmagan. 

Jahon chempionatida esa nuqtalardan 24 marta zarba berib ko'rgan va bu erda u bitta gol urishga muvaffaq bo'lgan. Bu 2018 yilda Ispaniya bilan o'yinda sodir bo'lgan edi.

Jami 51 ta vaziyatdan bittagina gol urish Ronalduning bu boradagi zaif nuqtasini ko'rsatmoqda.