«Inter» APL grandidan himoyachi xarid qiladi

Jurnalist Janluka Di Martsioning so'zlariga ko'ra, «Arsenal» himoyachisi Ektor Belerin «Inter»ga o'tishi mumkin.

«Neradzurrilar» yaqin orada PSJ safiga borib qo'shilishi kutilayotgan himoyachi Ashraf Hakimiga o'rinbosar izlamoqda.

Xabarlarga ko'ra, «Inter» asosiy e'tiborini Belerinni sotib olishga qaratgan. Bir necha soat oldin klub rahbariyati 26 yoshli ispaniyalikning agentlari bilan bog'langani aytilmoqda. «Arsenal» Belerinni 20 million evroga baholadi.

O'tgan mavsumda futbolchi Premer-liganing 25 uchrashuvida 1 gol va 2 ta golli pasni amalga oshirgandi.