De Yong: "Oldinga borish uchun eng yaxshi o'yinimizni ko'rsatishimiz kerak"

Niderlandiya terma jamoasi yarim himoyachisi Frenki de Yong Chexiyaga qarshi Evro-2020 1/8 finalidan kutayotganlari bilan o'rtoqlashdi.

"Chexiya juda yaxshi jamoa. Ular juda intizomli, uyushgan, tarkibida yaxshi futbolchilar bor. Oldinga borish uchun eng yaxshi o'yinimizni ko'rsatishimiz kerak. Barchamiz birlashgandan beri ishlar yaxshilandi, biz yangi tizimda o'ynashni boshladik va bu har doim vaqt talab etadi.

Jarayon hali tugallanmagan. Menimcha, biz hali ham rivojlanmoqdamiz. Yana bir qadam oldinga qadam tashlaymiz degan umiddaman", - deydi de Yong

Ma'lumot uchun, Niderlandiya - Chexiya uchrashuvi 27-iyun kuni Budapeshtda bo'lib o'tishi rejalashtirilgan. O'yin Toshkent vaqti bilan soat 21:00da boshlanadi.