"Vest Xem" forvardi faoliyatini Rim klubida davom ettirishi mumkin

"Vest Xem" hujumchisi Felipe Anderson faoliyatini Italiyada davom ettirishi mumkin, deya xabar beradi jurnalist Nikolo Skira. Manbaga ko'ra, 28 yoshli braziliyalikning agenti "Latsio" bilan muzokaralarga kirishgan.

Ma'lum bo'lishicha, Anderson "Vest Xem" bosh murabbiyi Devid Moyesning rejalariga kirmagan. 2020/21-yilgi mavsumda Felipe Anderson ijara asosida "Portu" bilan 9 ta o'yin o'tkazib, 1 ta golli uzatmani amalga oshirdi. Transfermarkt portali futbolchining qiymatini 15 million evroga baholamoqda.