Evro-2020. Davron Fayziev nimchorak finalning bugun o'tadigan uchrashuvlariga o'z taxminini bildirdi

Taxminlarim

Uels - Daniya. Bu ikki jamoa o'xshash futbol o'ynaydi. Uelsliklar tarkibida APL darajasidagi futbolchilar ko'p va yorqin yulduzli lider bor. Beyl. Kuchli va saviyali jamoa. Biroq, Daniyada balans yaxshiroq nazarimda. Aynan chiziqlar bo'yicha umumiy ustunlik evaziga Daniya kichik favoritdek ko'rinmoqda.

Italiya - Avstriya. Shubhasiz, Skuadra Adzurra favorit. Hamma ko'rsatkichlar bo'yicha ustunlikka ega. Avstriyada umuman imkon yo'qmi? Bor! Darajadagi farqni bir necha faktor yo'qqa chiqarishi mumkin. Avstriya noqulay, har kimga. 90 daqiqa zich pressing o'ynaydi. Chiziqlar o'rtasidagi bog'liqlikni uzishadi. Avstriyada tartib va o'yindagi intizom 100%. Taxminim Italiyaning og'ir va minimal g'alabasi.


Davron Fayziev.