Shmeyxel Eriksenning mashg'ulotlarga qaytgani haqida qanday fikrda?

Daniya terma jamosi yarim himoyachisi Kristian Eriksen bir hafta oldin kasalxonadan chiqarilgan edi.

Eriksen ertaga bo'lib o'tadigan Uelsga qarshi Evropa chempionatining 1/8 final uchrashuvidan oldin Daniya terma jamoasining mashg'ulotlarida qatnashdi. Bu vaziyat haqida daniyaliklar darvozaboni Kasper Shmeyxel fikr bildirdi:

"Uni ko'rish juda yoqimli edi. O'ylaymanki, ko'pgina bolalar Kristianni ko'rish imkoniyatiga ega bo'lishlari juda katta yordam berdi. Uni haqiqiy hayotda ko'rish va uning yaxshi ekanligiga ishonch hosil qilish biz uchun juda muhim edi", - dedi Kasper.