Indzagi sobiq shogirdini «Inter»da ko'rishni xohlaydi

«Inter» bosh murabbiyi Simone Indzagi «Monako» yarimhimoyachisi Balde Keyta o'yinlariga qiziqish bildirmoqda.

Bu haqda Italiya matbuoti xabar beradi. Murabbiy va futbolchi o'rtasidagi uchrashuv Kaprida bo'lib o'tdi. Ehtimol, Indzagi Keytani «Inter» tarkibida ko'rishni xohlaydi. U bir paytlar Rimning «Latsio» klubida ushbu futbolchi bilan birga ishlagan.

Keyta o'tgan mavsumni «Sampdoriya» safida ijarada o'tkazdi. Transfermarkt futbolchini 8 million evroga baholamoqda.