"Latsio" futbolchisi grandlar e'tiboriga tushgan

Il Messaggero nashri xabariga ko'ra, "Latsio" yarimhimoyachisi Luis Alberto yozda klubini o'zgartirishi mumkin.

Manbada ta'kidlanganidek, ayni paytda futbolchiga uchta klub da'vogarlik qilmoqda: "Yuventus", "Milan" va "Real".

Rim klubi 28 yoshli yarimhimoyachini 70 million evrodan kamiga sotmoqchi emas.

Oldinroq, Luis Alberto "Everton" jamoasi ham qiziqish bildirgani aytilgan edi.

Yarimhimoyachi "Latsio" tarkibida 170 uchrashuv o'tkazgan, 34 gol va 47 golli uzatma bergan.