"Manchester Siti" ushbu transferga yaqin turibdi

«Manchester Siti» klubi «Aston Villa» bilan yarim himoyachi Jek Grilish transferi bo'yicha kelishuvga erishishga yaqin turibdi, deb xabar beradi "ESPN" nashri.

Manbaga ko'ra, «Siti» Jek uchun 100 million funt sterling to'lashga tayyor. Agar, kelishuv amalga oshsa, u Angliya rekordini o'rnatadi va «Manchester Yunayted» 2016 yilda Pol Pogbaga to'lagan 89,3 million funtni ortda qoldiradi.

«Man Siti» hozircha izoh berishdan bosh tortdi, ammo manbalarning ta'kidlashicha, APL chempioni va «Villa» o'rtasidagi transfer summasi hali kelishilmagan.

Oldinroq «Aston Villa» Grilishni klubda saqlab qolishni xohlayotgani haqida xabar berilgan edi.