Amerika kubogi. Urugvay dastlabki g'alabaga erishdi, Chili yutqazib qo'ydi

Amerika kubogining guruh bosqichida 4-tur bahslari bo'lib o'tdi.

Urugvay terma jamoasi Boliviya (2:0) bilan to'qnash kelib, 2:0 hisobida g'alaba qozondi. Birinchi bo'lim so'ngida hisob avtogol tufayli ochilgan bo'lsa, o'yin tugashiga 11 daqiqa qolganida Kavani farqni ikkitaga oshirdi. Urugvayliklar uchun mazkur g'alaba turnirdagi dastlabkisi bo'ldi va ular o'z ochkolarini 4taga etkazishdi.

Dastlabki 3ta o'yinda 5 ochko jamg'argan Chili terma jamoasi esa, kutilmaganda, Paragvayga yutqazib qo'ydi — 0:2. Paragvayliklar ushbu g'alaba tufayli o'z ochkolarini 6taga etkazib, guruhda 2-o'ringa ko'tarilib olishdi.

Ushbu turda dam olgan Argentina 7 ochko bilan guruh peshqadami bo'lib turibdi.

Amerika kubogi, "A" guruhi, 4-tur
Boliviya – Urugvay 0:2 (0:1, 0:1)
Gollar: 0:1 – 40, avtogol Kinteros, 0:2 – 79 Kavani.
Boliviya – Lampe, Vilyarroel (Bexarano, 46), Kinteros, Djuzino, Fernandes (Flores, 74), Saavedra, Xustiniano, Vaka, Arse (Sanches, 68), Chura (Vaka, 46), Ramalo (Moreno, 61).
Urugvay – Muslera, Nandes (Gonsales, 88), Ximenes, Godin, Vinya, Valverde, Vesino, de la Krus (Bentankur, 61), de Arraskaeta (Torres, 73), Kavani, Suares (Maksi Gomes, 88).
Ogohlantirishlar: Chura (16), Vaka (47), Sanches (81).
 
Chili – Paragvay 0:2 (0:1, 0:1)
Gollar: 0:1 – 33 Samudio, 0:2 – 58, penalti Almiron.
Chili – Bravo, Isla, Medel (Roko, 68), Serralta, Mena, Vidal, Alarkon (Meneses, 46), Arangis, Pinares (Galdames, 68), Vargas, Brirton.
Paragvay – Silva, Espinola, Gomes, Alonso, Martines, Samudio (Romero, 62), Vilyasanti, Kardoso Lusena (Ximenes, 84), Arsamendiya (Alderete, 84), Almiron (Bareyro, 77), Gonsales (Romero, 77).
Ogohlantirishlar: Brirton (45), Medel (56), Bravo (58), Martines (78).