Futzal. O'zbekiston - Venesuela bahsida jangovar durang qayd etildi

Jahon chempionatiga tayyorgarlik ko'rayotgan O'zbekiston futzal terma jamoasi bugun Toshkentda Venesuelaga qarshi o'rtoqlik uchrashuvini o'tkazdi. Unda jamoalar jangovar durangga imzo chekishdi.

Uchrashuv davomida vakillarimiz uch marta oldinga chiqib olishgan bo'lsa, mehmonlar har safar hisobni tenglashtirishga muvaffaq bo'lishdi. Jamoamiz birinchi bo'limdan so'ng 3:2 hisobida oldinda borayotgan edi. Venesuelaliklar ikkinchi taym o'rtalarida muvozanatni tiklashdi. Shundan so'ng o'yin so'ngiga qadar darvozalarga to'p boshqa kiritilmadi. Terma jamoamiz hujumchisi Dilshod Rahmatov dublga erishgan bo'lsa, yana bir gol Akbar Usmonov hisobiga yozildi.

Ushbu jamoalar 27 iyun kuni yana bir marta o'rtoqlik uchrashuvini o'tkazishadi. O'yin "O'zbekiston" sport majmuasida bo'lib o'tadi.

Futzal. Xalqaro o'rtoqlik uchrashuvi
O'ZBEKISTON - VENESUELA - 3:3
Gollar: Akbar Usmonov (2), Dilshod Rahmatov (7, 19)