«Ufa» Oston O'runov transferi borasida «Spartak» bilan kelisha olmadi

"Ufa" klubi "Spartak" yarim himoyachisi Oston O'runovning transferi borasida moskvaliklarga rasmiy taklif yuborgandi. Ammo tomonlar o'zaro kelisha olishmadi. Bu haqda "Ufa" bosh direktori Shamil Gazizov xabar berdi.

Uning qayd etishicha, «Ufa» O'runov uchun million evrodan ko'proq mablag' taklif qilgan, biroq ufaliklar bu summani 2022 yilda uchga bo'lib to'lashni taklif qilgan. O'z navbatida «qizil-oqlar» bu taklifni rad etgan. «Spartak» O'runov uchun mablag' bir yil ichida to'lanishini va uning 70 foizi futbolchi «Ufa»ga yo'l olgan kundan bir oy ichida berilishini xohlamoqda. Bu esa boshqirdistonliklarni qanoatlantirmadi.