Manba: Koutino "Barselona"ni tark etmaydi

L'Esportiu xabariga ko'ra, yarim himoyachi Filippe Koutino ushbu mavsumda "Barselona"ni tark etmaydi. Kataloniya klubiga braziliyalik transferi bo'yicha hech qanday takliflar bo'lmadi.

Eslatib o'tamiz, "Barselona" hali ham 29 yoshli braziliyalik uchun "Liverpul"ga 50 million evro to'lamagan. 2018-yilda klublar uning transferi bo'yicha 120 million evro evaziga kelishib olishgandi, bonuslar tufayli bu miqdor 160 million evroga ko'payishi mumkin.

"Barsa" rahbariyati Koutinoni kamida 50 million evroga sotmoqchi. O'tgan mavsumda braziliyalik La Liganing 12 o'yinida 2 ta gol urdi va 2 ta golli pas berdi.