Bir jihat bo'yicha Dzyuba Evroda tengsiz!

Rossiya terma jamoasi sardori va hujumchisi Artyom Dzyuba guruh bosqich uchrashuvlari yakunlariga ko'ra yakkakurashlarda g'olib chiqish bo'yicha eng yaxshi ko'rsatkichni qayd etdi.

Mashhur statistik portallar bergan ma'lumotlarga ko'ra, belgiyaliklar, finlar va daniyaliklar bilan uchrashuvlarda Dzyuba 25 ta to'qnashuvda g'olib chiqqan. Bu har qanday boshqa futbolchidan kamida beshtaga ko'p degani.

Eslatib o'tamiz, Dzyuba Evroda bitta gol urgan - u Daniya bilan o'yinda penaltini aniq amalga oshirganidan xabaringiz bor. Rossiya esa o'z guruhida so'nggi o'rinni egalladi.