Van der Vaart Ispaniya terma jamoasini tabrikladi

«Real Madrid» sobiq futbolchisi Rafael van der Vaart Ispaniyaning Evro-2020da Slovakiya ustidan qozonilgan g'alabasidan (5:0) so'ng o'z fikrlari bilan o'rtoqlashdi.

«Aftidan, mening so'zlarim Ispaniya terma jamoasi uchun turtki bergan ko'rinadi. Bugun yaxshi o'yin ko'rdik. Pley-offga chiqqaningiz bilan tabriklayman, yigitlar», - deb yozdi van der Vaart o'z tvitterida.

Eslatib o'tamiz, bundan avvalroq u Ispaniya terma jamoasini keskin tanqid qilgan edi: «Ispaniya umuman tushunib bo'lmas o'yin ko'rsatmoqda. Ular faqat u yoqdan bu yoqqa o'tib behuda yugurishmoqda xolos»—degandi Vaart.