Kimmix: "O'ylaymanki, bizda 1/8 finaldan o'tish uchun barcha imkoniyatlar mavjud"

Germaniya terma jamoasi yarim himoyachisi Yozua Kimmix jamoasining Angliya terma jamoasi bilan bo'lib o'tadigan uchrashuvi haqida fikr bildirdi. Bahs Evropa chempionatining 1/8 final bosqichi doirasida bo'lib o'tadi.

"Biz guruhdan chiqa olganimiz muhim. O'ylaymanki, bizda 1/8 finaldan o'tish uchun barcha imkoniyatlar mavjud. Angliyaga qarshi o'yinmi? Bu ajoyib o'yin bo'ladi", - deya Kimmixning so'zlarini keltirgan UEFA matbuot xizmati.

Angliya - Germaniya uchrashuvi 29 iyun kuni bo'lib o'tadi. Toshkent vaqti bilan soat 21:00da bahs start oladi.