Igor Shkvirin "Turon" bosh murabbiyiga aylandi

Kuni kecha klubimiz qarorgohida navbatdan tashqari yig'ilish bo'lib o'tdi. Klub rahbariyati ishtirokida tashkil etilgan yig'ilishda yaqin o'tmishning yorqin futbolchisi, taniqli mutaxassis Igor Shkvirin jamoa bosh murabbiyi sifatida tanishtirildi va jamoani vaqtincha boshqarib kelayotgan polshalik mutaxassis Boguslav Baniakning o'rnini egalladi, deb xabar beradi "Turon" klubi matbuot xizmati.

58 yoshli murabbiy bugunga qadar AGMK, "Qizilqum" va "Surxon" jamoalarida bosh murabbiy lavozimida faoliyat olib borgan.

Igor Shkviringa Coca-Cola Superligada jamoaning o'rnini saqlab qolish va musobaqa jadvalida yuqori o'rinlarga olib chiqish vazifasi qo'yildi.

 

Manba: "Turon" matbuot xizmati