"Tottenxem" A seriya grandi futbolchisiga xaridor

"Yuventus"himoyachisi Merix Demiral faoliyatini Angliya chempionatida davom ettirishi mumkin. Bu haqda jurnalist Nikolo Skira o'zining tvitterida xabar bermoqda. Manbaga ko'ra, futbolchining agenti so'nggi soatlarda "Tottenxem" bilan 23 yoshli futbolchining transferi borasida aloqada bo'lgan.

Oldinroq Turin klubi futbolchi uchun 40 million evro olmoqchi ekanligi haqida xabar berilgan edi. O'tgan mavsumda Demiral "Yuventus" safida 24 ta o'yin o'tkazib, unda bitta golli uzatmani amalga oshirdi. Futbolchi Turin klubi safida 2019-yildan beri o'ynab kelmoqda. Futbolchining Italiya klubi bilan shartnomasi 2024-yilda o'z yakuniga etadi. Transfermarkt portali Demiralni 28 million evroga baholamoqda.