Belotti bolaligidan muxlis bo'lgan jamoasi safida o'ynamoqchi

«Milan» «Torino» hujumchisi Andrea Belottiga qiziqish bildirmoqda. Bu haqda Italiya matbuoti xabar beradi.

Belotti anchadan buyon «rossnerilar» lageriga o'tishi mumkinligi haqida sha'ma qilayotgan edi. Ammo, «Milan» Andrea borasida hali rasmiy aloqaga chiqqani yo'q. 

Belotti bolaligidan «Milan»ga muxlislik qilgani va «rossonerilar» safida o'ynash istagi borligini yashirmaydi.

Uning «Torino» bilan amaldagi shartnomasi 2022 yil o'rtalariga qadar mo'ljallangan.