Kroos Ramosning "Real"dan ketishiga munosabat bildirdi

"Real"da o'ynayotgan nemis yarim himoyachisi Toni Kroos himoyachi Serxio Ramosning qirollik klubidan ketishiga munosabat bildirdi.

"Real"ni Ramossiz tasavvur qilish qiyin. Bunday futbolchining ushbu klubda faoliyatini yakunlamagani yaxshi holat emas. Serxio bir kun kelib "Real"ga qaytishiga ishonaman. ", - deya yarim himoyachining so'zlarini keltiradi Goal.com portali.

Eslatib o'tamiz, Ramos 2005-yildan beri Madrid jamoasi sharafini himoya qilib kelmoqda. Futbolchi shu yil yozda erkin agent sifatida klubni tark etadi. Frantsiyaning "PSJ"si Serxioning yangi ish jamoasiga aylanishi kutilmoqda.