«Manchester Siti» yana bir yil kutishga tayyor

«Manchester Siti» klubi rahbariyati «Tottenxem» forvardi Harri Keyn transferini yozda amalga oshira olmasa, yana bir yil kutishga tayyor, deya xabar bermoqda ESPN.

Manbaning yozishicha, Manchester klubi Keynni yozgi transfer oynasida o'z safiga qo'shib olish juda qiyin bo'lishini tushunib turibdi. Chunki London klubi prezidenti Daniel Levi Harrini har qanaqasiga yana bir yil klubda olib qolmoqchi. Shu bois «shaharliklar» Keynni yana bir mavsum kutishga rozi. Futbolchining o'zi esa Evro-2020dan keyin aniq bir qarorga kelmoqchi.

Ma'lumot uchun, Keyn APL yakunlangan mavsumida 35 o'yinda 23ta gol va 14ta golli uzatmaga mualliflik qilgan.