Loris: "Ronaldu barchasiga tayyor"

Frantsiya terma jamoasi darvozaboni va sardori Ugo Loris Portugaliyaga qarshi Evropa chempionati guruh bosqichining 3 tur uchrashuvi jamoa uchun katta muammo deb atadi.

- Krishtianu Ronalduni tanishtirishga hojat yo'q. U jamoasining Evro-2020 pley-off bosqichiga chiqishi uchun hamma narsani qiladigan tarixdagi eng buyuk futbolchilardan biridir.

Portugaliya bilan o'ynash biz uchun katta qiyinchilik tug'dirishi mumkin. Ular hali ham 1/8 finalga chiqish uchun kurash olib borishmoqda. Biz ham guruhda imkon qadar yuqoriroq o'rinlarni egallashga intilamiz. Maqsadimiz turnirdagi yurishimizni davom ettirish, shuningdek, guruhning so'ngi uchrashuvini g'alaba bilan yakunlab, pley-off oldidan o'zimizga bo'lgan ishonchni oshirib olishdir, deydi Loris.

Eslatib o'tamiz, Frantsiya va Portugaliya o'rtasidagi bahs 23 iyun kuni, Toshkent vaqti bilan soat 00:00da boshlanadi.