Veynaldum: "Depay va De Yong bunga ko'proq loyiq"

Niderlandiya terma jamoasi yarim himoyachisi Jorjino Viynaldum Evro-2020 3-turida Shimoliy Makedoniya ustidan qozonilgan g'alabadan (3: 0) so'ng uni uchrashuvning eng yaxshi o'yinchisi deb tan olingani to'g'risidagi qarorga izoh berdi.

“Uchrashuvning eng yaxshi o'yinchisi deb tan olinganim bu juda yaxshi holat, ammo rostini aytganda, Frenki  va Memfis bunga ko'proq loyiqdirlar. Ular bugun aql bovar qilmaydigan darajada o'ynashdi.

Bugun ko'rganingizdek, men ikkita oson gol urdim.Buning siri - kerakli paytda kerakli joyda bo'lishdir", - dedi Jorjino.