«Manchester Siti» Keynni qo'lga kiritish uchun shartnomaga bir futbolchisini qo'shib berishga tayyor

«Manchester Siti» ushbu yozda «Tottenxem» hujumchisi Xarri Keynni sotib olish bo'yicha jiddiy qadam tashlagan.

Manchester klubi ingliz to'purarining joriy yuqori narxini pasaytirmoqchi. Keynning transferi 100 million funtdan oshiqroq deb taxmin qilinmoqda. Biroq shunga qaramay «shaharliklar» buning echimini topish uchun harakat qilishmoqda.

Buyuk Britaniya matbuotining yozishicha, «Siti» o'z hujumchisi Gabriel Jezusni ushbu bitimga qo'shib qo'yish niyati bor. Jamoa bosh murabbiyi Xosep Gvardiola kelasi mavsumda braziliyalikka ortiqcha umid bog'lamayapti.

Oldinroq Keyn faoliyatini davom ettiradigan keyingi klub sifatida «Manchester Siti»ni tanlagani haqida xabar berilgan edi.