Xamann: "Ronaldu ahmoqona ish tutdi"

Germaniyaning sobiq yarim himoyachisi Ditmar Xamann Portugaliya terma jamoasi sardori Krishtianu Ronalduning Evro-2020 guruh bosqichining 2-turida Germaniyaga qarshi matchdagi harakatlaridan norozi bo'ldi.

Eslatib o'tamiz, "Yuventus" forvardi Antonio Ryudigerga qarshi fint yordamida istehzo qilgan edi.

"O'ylashimcha, Ronaldu ahmoqona ish qildi. Uning uddasidan chiqa olishini hamma biladi. Ammo nega raqibni kamsitish kerak? Endi Krishtianu ahmoqdek ko'rinadi. Garchi, ehtimol aynan uning harakatlari nemis futbolchilariga vaziyatni o'zgartirish uchun qo'shimcha turtki berdi", - dedi Xamann.

Eslatib o'tamiz, shu o'yinda Germaniya Portugaliyani 4:2 hisobida mag'lub etdi. Ushbu uchrashuvda Ronaldu gol urdi va golli uzatmani amalga oshirdi.