Jekoga A Seriya grandlari qiziqish bildirmoqda

Hujumchi Edin Jeko A Seriyada qolishni rejalashtirmoqda. Bu haqda La Gazzetta dello Sport nashri xabar beradi. 35 yoshli bosniyalikning "Roma" bilan amaldagi shartnomasi 2022-yil 30-iyunda o'z yakuniga etadi, ammo Rim klubi bir mavsumda 7,5 million evro maosh oladigan futbolchi bilan shartnomani bekor qilishga va uni erkin agent sifatida ozod qilishga tayyor. Hujumchiga "Yuventus" va "Milan" qiziqish bildirmoqda.

Italiya chempionatining yakunlangan mavsumida Jeko 38 uchrashuv o'tkazib, 13 ta gol va to'rtta golli uzatmani amalga oshirdi. Edin "Roma"da 2015-yildan beri o'ynab kelmoqda. Oldin u Angliyaning "Manchester Siti", Germaniyaning "Volfsburg", Chexiyaning "Teplise" va "Usti nad Labem" jamoalarida, shuningdek, Bosniyaning "Eleznichar" klubida o'ynagan. Transfermarkt portali futbolchini 4 million evroga baholamoqda.