Roberto Manchini: «Uch yoki to'rt o'yinchi almashgan bo'lsa ham jamoa o'z o'yinini saqlab qolgani muhim»

Italiya terma jamoasi ustozi Roberto Manchini Uelsga qarshi o'yindan (1:0) keyin fikrlarini bildirdi.

«Bundan yaxshiroq o'ynay olmasdik. Balki ko'proq gol urishimiz mumkin bo'lgandir, ammo juda issiq hamda jismoniy jihatdan og'ir bo'ldi. Yigitlar yaxshi ishlashdi. Uch yoki to'rt o'yinchi almashgan bo'lsa ham jamoa o'z o'yinini saqlab qolgani muhim. Ularning barchasi nima qilish lozimligini bilishadi va natija ham o'zgarmadi».