Eden Azar: «Men 10 yil avvalgidek bo'la olmayman»

«Real» va Belgiya terma jamoasi yarim himoyachisi Eden Azar o'zining hozirgi formasi haqida ma'lumot berdi.

«Men o'z imkoniyatlarimga hech qachon shubha bilan qaramaganman, ammo gap shundaki, Evropa chempionatida ishtirok etish uchun 100 foizga tayyor bo'lamanmi yoki yo'qmi, degan savol ko'ndalang turardi. Men faoliyatim davomida to'pig'imdagi suyakni 3 marta sindirdim. Shuning uchun 10 yil avvalgidek bo'la olmayman. Ammo formaga kirib olganimda maydonda o'zimni ko'rsata olaman. Buning ustida ishlayapman.

Men asosiy tarkibda tushish uchun hali 100%ga tayyor emasman. Asta-sekin o'yinlarda ishtirok etish orqali pley-off bosqichiga tayyor bo'lishim muhim ahamiyatga ega. O'shanda eng yaxshi formada bo'lishim kerak.

Ko'ramiz, vaziyat qanday kecharkan. Ehtimol, men 90 daqiqa o'ynay olmasman, ammo imkon berilguncha top-darajada o'ynamoqchiman», – dedi Azar.

Eslatib o'tamiz, Belgiya terma jamoasi bugun Evro-2020 guruh bosqichining 3-turi doirasida Finlyandiyaga qarshi maydonga chiqadi.