«Barselona»da vaziyat og'ir, qo'shimcha kredit uchun yana bir nufuzli bank bilan shartnoma tuziladi

Turli ispan nashrlarining ma'lumotlariga ko'ra, «ko'k-anorranglilar» 2022 yil avgust oyida Goldman Sachs investitsiya banki bilan o'zaro bitim imzolashlari kutilmoqda.

Ushbu harakat «Barselona»ga klubning moliyaviy ehtiyojlarini qondirishga yordam beradi. «Barselona»ning iqtisodiy masalalar bo'yicha vitse-prezidenti Eduard Romeu klubning umumiy qarzdorligi 1,044 milliard evroga ko'tarilganligini va ehtimol yanada oshishi mumkinligini alohida ta'kidladi.

Uning so'zlariga ko'ra, «kovid hamma narsada aybdor emas, hatto ilgari ham ishlar bundanda yomonroq ketayotgan edi».

Kataloniyaliklar prezidenti Joan Laportaning so'zlariga ko'ra, «ushbu kredit klubga kichik tanaffus berish va klub a'zolarining cho'ntagidan hech narsa sarflamaslik uchun kerak.

Bu vaziyatda albatta maoshlar tizimida uzilishlar yuzaga kelmaydi». Ushbu mablag 200 million evro miqdoridagi obligatsiyalarni to'lashga sarflanadi.