Husayn Norchaev: “Gollarim jamoamga foyda bersa, shundan xursandman”

Superliga 10-turidan o'rin olgan “Nasaf” – “Andijon” uchrashuvidagi ikkala golga ham mualliflik qilgan Husayn Norchaev bellashuv haqida o'z fikrlarini bildirib o'tdi.

"Bugungi bellashuv haqida gapiradigan bo'lsam,  o'yin bizning nazoratimizda edi, lekin bir kishi kam bo'lib qolganimizdan so'ng biroz qiyinchiklarga duch keldik. Shunga qaramasdan birlashgan holda kerakli natijaga erishdik.

Bugungi gollarim jamoamga foyda keltirganidan xursandman. Qo'lga kiritgan g'alabamizni bizni qo'llab-quvvatlab turgan barcha muxlislarimizga bag'ishlayman", — dedi futbolchi.