Italiya «quruq» seriyasini ishonchli davom ettirmoqda

Italiya Evropa chempionatining guruh bosqichi 3-tur uchrashuvida Uels terma jamoasini 1:0 hisobida mag'lub etdi va ketma-ket hisobdagi 11- «quruq» g'alabasini qo'lga kiritdi.

Italiyaliklar so'nggi 11 uchrashuvda 32 ta gol urishgan va bitta ham o'tkazib yuborishmagan. Jamoaning g'alabali seriyasi 2020 yil 11 noyabrdan boshlangan edi.

Bungacha Italiya Estoniya (4:0), Polsha (2:0), Bosniya va Gertsegovina (2:0), Shimoliy Irlandiya (2:0), Bolgariya (2:0), Litva (2:0), San Marino (7:0), Chexiya (4:0), Turkiya (3:0) va Shveytsariya (3:0) kabi termalarni mahv etgandi.

Evro-2020 1/8 finalida Italiya Avstriya yoki Ukraina bilan o'ynaydi.