Evro-2020. Shakiri Shveytsariya tarixiga kirdi

Shveytsariyalik yarimhimoyachi Jerdan Shakiri Evropa chempionati guruh bosqichining 3-turida Turkiyaga qarshi o'yinda gol urib, o'ziga xos rekord o'rnatdi.

Ya'ni, Shakiri ketma-ket to'rtta yirik turnirda gol urgan birinchi shveytsariyalik futbolchiga aylanib oldi. Ilgari yarimhimoyachi 2014 va 2018 yilgi jahon chempionatlarida, shuningdek, 2016 yilgi Evropa chempionatida ham gol urgan edi.

29 yoshli Jerdan Shveytsariya terma jamoasi safida 2010 yildan beri o'ynab kelmoqda, u terma jamoa safida 93 uchrashuv o'tkazgan va 24 ta golni o'z hisobiga yozdirib qo'ygan.