«Milan» Ukraina terma jamoasi hujumchisining o'yinlarini kuzatib bormoqda

Italiyalik jurnalistlar tarqatayotgan ma'lumotlarga ko'ra, «Milan» texnik direktori Paolo Maldini Roman Yaremchukning transferi bo'yicha «Gent» rahbariyati bilan aloqaga chiqqan.

Manbaga ko'ra, Ukraina terma jamoasining hujumchisi «rossonerilar» lageriga 3 million evro evaziga ijara asosida kelib qo'shilishi mumkin, bu keyinchalik 15-16 million evroga sotib olish huquqini ham o'z ichiga oladi.

Belgiya chempionatining so'nggi mavsumida ukrainalik hujumchi 20 ta gol urdi va 7 ta golli pas berdi.