Garet Beyl: «Oldingi Evroda bo'lgani kabi har bir o'yinga jiddiy yondashishimiz lozim»

Uels terma jamoasi sardori Garet Beyl Italiyaga qarshi bahs oldidan o'z fikrlarini bildirdi.

«O'zimni yaxshi va ishonchli his qilyapman. Biz to'liq tiklandik. Italiya buyuk jamoa, biz autsayder ekanligimizni bilamiz va qiyin uchrashuv bo'ladi. Biz doim amalga oshirib kelgan ishimizni ushbu bahsda ham bajaramiz va barcha narsamizni maydonda qoldiramiz.

Biz har bir o'yinga mas'uliyat bilan yondoshishimiz kerak xuddi 2016 yilda bo'lganidek. Biz juda uzoqni ko'zlamayapmiz, faqat Italiyaga bor e'tiborni qaratmoqdamiz».