Shou: "Bu dunyodagi eng kuchli forvard"

Angliya terma jamoasi himoyachisi Lyuk Shou Xarri Keynni dunyoning eng yaxshi hujumchisi deb e'tirof etdi.

Eslatib o'tamiz, hozirgi Evropa chempionatida Keyn hali birorta ham gol urolmadi. Shotlandiyaliklar bilan o'yinda u ikkinchi bo'limda to'liq harakat qildi.

«Men Xarri uchun ko'p ham tashvishlanmayman. Bu dunyodagi eng kuchli forvard. U jamoamizning eng muhim qismi. Balki eng yaxshi futbolini namoyish qila olmayotgan bo'lsa ham, u asosiy figura bo'lib qolaveradi.

U bizga kerak. Har bir Angliya futbolchisi Keynni qo'llab-quvvatlaydi. U har qanday o'yinda uslubini o'zgartira oladi», - deydi Lyuk.

Evro guruh bosqichining uchinchi turida Angliya chexlarga qarshi o'ynaydi.