Veratti Uelsga qarshi maydonga tushadimi?

Italiya terma jamoasi yarimhimoyachisi Marko Verratti Uelsga qarshi bahsda o'ynashga tayyor. Bu haqda italiyaliklar bosh murabbiyi Roberto Manchini ma'lum qildi.

Marko Evropa chempionatining avvalgi o'yinlarini tizzasidan olgan jarohati tufayli o'tkazib yuborgan edi.

Eslatib o'tamiz, Italiya Evro-2020 guruh bosqichining uchinchi turida uelsliklarga qarshi bahs olib boradi.

«Skuadra Adzurra» allaqachon turklar va shveytsariyaliklarni mag'lubiyatga uchratib, turnirning pley-off bosqichiga yo'llanmani qo'lga kiritdi.